Diskurso di Gobernador di Korsou, Su Ekselensia, Lucille George-Wout, na okashon di aña di Rei, pronunsiá dia 26 di april 2023 na Palasio di Gobernador, na Kòrsou
Bon nochi, ekselensianan, damas i kabayeros,
Aña 2023 ta asina hóben ainda; i ya a sosodé asina tantu kos! Tambe aki serka nos na Dushi Kòrsou. I tin tantu kos ainda na kaminda. Laga nos spera ku lo ta prinsipalmente hopi kos bon.
Awe nochi ta nochi di nos kondekoradonan. Ta hendenan ku awe mainta den sala di resepshon di Palasio a risibí - na nòmber di Rei Willem Alexander - un distinshon real. Por rekonosé nan na e karanan ku ta ekstremadamente radiante. No esei so, lo rekonosé nan klaro tambe na e medaya ku awe mainta m’a pone dòrna nan pechu. Ora den e hardin akí kana dal den nan, lo por felisitá nan personalmente. Kada un di nan a risibí e honor akí meresidamente. Un biaha mas, tambe na nombre di mi esposo Herman, masha pabien!
Pero tin mas kos bunita ku den e aña akí - ku no a yega ni na mitar ainda - nos por a mira ku plaser. Ta trata na promé lugá di e bishita ku dia promé, dos i tres di febrüari famia Real a honra nos kuné.
Rei Willem Alexander i Reina Máxima a bin presentá nan yu muhé Amalia na nos. Nan yegada na bordo di e barku di Marina, ‘De Holland’ aki den Bahia di Santa Ana tabata inolvidabel. M’a apresiá ku Komunidat di Kòrsou a duna e prinsesa un bon biní kaluroso i ku nos por a lag’e sera konosí ku nos pais Kòrsou komo parti di su Reino tambe. Mediante un rekorido den kurason di Punda ku Otrobanda i Skalo, a toka komo punto kulminante e wals ku a komponé spesialmente pa nos prinsesa heredero komo regalo di pueblo di Kòrsou. Ademas tabatin tambe vários kòmbersashon balioso ku mandatario i siudadano di tur edat, kendenan di forma diverso ta dediká nan na nos komunidat.
Nos naturalesa presioso tampoko no a ked’áfó. Loke tambe a bini dilanti di forma respetuoso ta temanan difísil manera e estado di desaroyo di nos pais i di e historia doloroso di e ‘pasashi di sklabitut’. E echo ku a trata e temanan akí tambe, ta hasi ku mi ta sintí mi orguyoso di ta yu di Kòrsou. Awor ... laga nos sigui tambe pa di manera digno, tuma e pasonan ku lo tin di bini ‘despues di e kòma’.
Den e konteksto akí, ta bon ku resientemente, dia 5 di aprel, a realisá un reunion solèm den Parlamento pa reflekshoná riba e echo ku Kòrsou konosé un demokrasia parlamentario ta 85 aña kaba. Nos a rekoré un kaminda largu; i ainda a keda nos hopi kaminda pa rekoré; pero e kaminda ei nos ta rekor’é huntu!
Na kuminsamentu, por a yama e demokrasia ei ‘básiko’ ku derecho di voto aktivo i pasivo reservá pa sierto kategoria di siudadano so, pero for di dia Statüt a drenta na vigor na 1954, e demokrasia ei a kobra un interpretashon mas kompleto. Ta klaro ku esaki no ta un mundu perfekto! Pero nos a haña e oportunidat di forma nos propio gobièrnu i tuma nos propio desishonnan nos mes ..., riba e forma ku nos ke goberná i desaroyá nos pais, na interes di nos siudadanonan. Pasobra ta esei prinsipalmente ta konta!
Demokrasia no ta un pertenensia trankil. Demokrasia ta pidi pa manten’é i keda defend’é. E ta trese responsabilidatnan enorme; no pa nos polítikonan so, sino tambe pa nos siudadanonan. Despues di tur kos ta nos siudadanonan ta kargadó di demokrasia. Anto esaki ta rekerí un ‘bon siudadania’. Hende ku ta kontribuí na sosiedat; paga belasting korektamente, opservá regla di tráfiko, kuida medioambiente, kuida bo propio edukashon, pèrkurá pa e debido instalashonnan pa enfermo i ansiano, etc. Ku poko palabra: biba bèrdaderamente na e nivel di un outonomia bibu!
Saliendo di e punto di bista akí, mi tambe sigur ta na fabor di kuida nos propio asuntunan outónomo. No ta trata di un privilegio di e gobièrnu ku na sierto momento ta na mando, sino di pueblo. Ke men ku pueblo tin derecho di spera ku gobièrnu ta pèrkurá pa atende nos propio asuntunan di forms korekto. Ke men mehorá e sistema di kuido i di enseñansa, pa nos ekonomia floresé. No pa protehé interes di algun partido òf grupo lokal, sino hustamente pa logra krea kresementu ekonómiko i desaroyo sosial pa hopi hende.
Den e sentido akí, ta duna hende speransa ku a yega na un akuerdo entre gobièrnu di Hulanda i e paisnan di Caribe pa kolaborá riba base di un Akuerdo Mutuo pa logra reforma den vários aria di interes pa gobièrnu. Finalmente a haña un forma ku ta laga maneho di desaroyo, den man di e paisnan mes i ta ofresé oportunidat pa eherse nos outonomia.
Ta nifiká ku nos tin di habri pa kolaborashon; kolaborashon riba hopi tereno; kooperashon ku diferente sosio; pero esaki di manera integro i konfiabel; ku kompromiso i perseveransia, inkluso si e medidadan resultá difísil òf si nan topa resistensia. Pasobra e kaminda di reforma ta rekerí desishon i determinashon; nos no por desha ni pèrmití ku e asuntunan ta faya of kai na awa.
Anto esta bunita ku tur e kosnan akí por ta posibel den kuadro di Statüt! Kada bes di nobo mi ta bou di impreshon di e sabiduria ku kua a skibi e dokumento akí; i ku tantu aña despues ainda e ta ofresé instrumento pa atendé nos asuntunan di awe; i di tal forma ku efektivamente ta kumpli ku e aspirashon pa nos mes traha e kaminda ku nos ke kana.
Ta di komprondé ku e diskushon ku a surgi tokante e alkanse di yudansa i e asistensia finansiero ku Hulanda ta ofresé – i e diferensia entre COHO i e Akuerdo Mutuo – no a pasa mi tampoko forbei. Pero e areglo akordá riba su mes no ta un transakshon finansiero; di moda ku no ta trata akí di un trato bon, ménos bon òf un mal dil. Huntu ku e Sekretario di Estado pa Relashonnan di Reino, e paisnan di Caribe a pone un base nobo pa un kooperashon duradero. Kooperashon pa yega na reformanan ku lo fortalesé resiliensia ekonómiko i e poder atministrativo di Kòrsou na interes di henter pueblo. Laga nos suprayá i enfatisá esaki; ban tene esaki na bista i ban traha riba e base ku awor ta disponibel, i konfia riba fortalesa di nos komunidat. Nos lo mira e ora ei ku nos lo por borda hopi kos. Ku òf sin sosten di Hulanda. Pasobra na promé lugá ta nos mes ta responsabel pa mustra nos kapasidat di manehá nos rekursonan i medionan. Ta loke ta rekerí pa hasi eskohonan ku mester keda reflehá den maneho i presupuesto di pais. Loke tin mas peso, mester pisa mas. E ora ei nos ta efektivamente na nivel di nos outonomia!
Ta basta bisá:
Damas i Kabayeros,
Laga nos brinda fo’i djawe pa salú di nos Mahestat Rei Willem Alexander - kende ta kumpli un aña mas di bida mañan - i riba e méritonan di nos kondekoradonan. Despues di algun aña partikular di korona, awor na 2023 nos por selebrá realmente huntu atrobe dia di Rei su aña. Herman ku mi ta deseá ku mañan tambe lo ta un dushi dia.
Biba Rei!
Kerido kompatriotanan,
Awe nos ta selebrá aña di Rei. Nos rei Willem-Alexander ta kumpli 55 aña. Nos ta deseá e ku su famia un kumpleaño felis i un selebrashon ameno. E aña akí Dia di Rei ta den lus di konektividat, enlase, union efektivo ku otro. Ta un tema na su lugá, pasobra ku selebrashon di aña di Rei, tambe aki den nos parti di Reino, nos ta afirmá nos laso ku Kas Real. Pa mi ta un honor i un plaser di por dirigí palabra na boso tur akí en konekshon ku tal selebrashon.
Ta parse ku e pandemia ku e último añanan tabatin mundu den su gara, awor na Kòrsou ta bou di kòntròl. Lamentablemente te ainda, ketu bai, nos ta sigui eksperensiá e konsekuensianan. E pandemia a sagudí nos fundeshi ekonómiko fuertemente i a trese den klaridat prinsipalmente e partinan débil, den sentido sosio-ekonómiko. Sin embargo, konsekuensianan di e krísis lo tabata muchísimo pió, si nos no tabatin e laso ku Reino.
Pa den futuro tambe ta eksistí e boluntat di sigui brinda nos apoyo den kuadro di Reino, pa nos por logra bini ariba bèk komo pais. E apoyo akí tin komo ophetivo, hasi ku Kòrsou ta resiliente; e ta ofresé nos pais e oportunidat ademas di realisá tan pronto posibel i riba nos propio forsa e outonomia atkirí; aktualmente ta debatiendo kon esaki mester sosodé. Ta un bon kousa; pasobra nos mester sigui skucha otro i sigui komuniká ku otro semper ku un ophetivo na mente: sirbi nos hendenan. Gobièrnu ta hañ’é dilanti di e tarea difísil di implementá e reformanan nesesario. Den e proseso akí ta inevitabel ku ta topa tropieso na kaminda. Mi speransa i ekspektativa pa boso, siudadanonan di Kòrsou ta, ku nos por mira huntu den direkshon di un futuro kolmá ku konfiansa. Ta di komprondé, ku komo representante di Rei i di gobièrnu di Reino mi no ta kompletamente ophetivo. Mi ta spera ku lo por pordoná mi esaki, prinsipalmente awe riba dia di Rei su aña. Pero ... na promé lugá ..., mi ta Yu di Kòrsou!
Mi ta konvensí ku den nos pueblo ta eksistí e potensial di reforma. T’ei ta kaminda nos forsa ta sinta. I sigur esaki ta e kaso tambe serka nos hendenan ku a skohe otro pais pa nan bai biba. Nos mester mobilisá e forsanan ei. Ta nesesario pa nos bolbe bira atraktivo pa nos siudadanonan, pa nan no tin nodi di sali bai buska un mihó bida otro kaminda; pero inkluso ku esnan ku ya ta biba afó, lo skohe hustamente pa nan bolbe nan patria.
Esaki ta un bon momento tambe pa reflekshoná riba e hendenan ku semper ta komprometí ku nos sosiedat. Ayera mi tabatin e plaser di otorgá na nòmber di Su Mahestat Rei, 23 kondekorashon real na kon-siudadanonan ku durante hopi aña a desplegá servisio i dedikashon na benefisio di nos komunidat. Mi ta bolbe felisitá e dekoradonan ku nan honorabel distinshon.
Nos ta selebrá dia di Rei 2022 den solidaridat ku tur e siudadanonan di reino na Aruba, Boneiru, Saba, Statia, Sint Maarten i na Hulanda. Tambe na nòmber di mi esposo, Herman, mi ta proponé un bríndis pa salú di nos Mahestat Rei na okashon di su aña i pa tur e méritonan di nos dekoradonan.
Biba Rei!
Kersttoespraak
Gouverneur van Curacao, Mevrouw Lucille George-Wout
25 december 2021
Lieve Landgenoten,
De coronapandemie heeft ons allemaal, zij het op verschillende wijze, ook dit jaar zwaar getroffen. Helaas betalen velen onder ons daar een grote prijs voor. Vele ondernemers hebben het moeilijk om, ondanks de steun van de overheid, hun zaak draaiende te houden; werknemers hebben veelal inkomen moeten inleveren om de kosten van de overheid en bedrijven te beheersen en scholieren hebben onderwijs moeten missen, terwijl onze studenten vaak op hun studentenkamers op zichzelf waren aangewezen. Maar ook de gezondheidszorg staat nog steeds onder druk.
Desondanks hebben we het afgelopen jaar, dat ons door de pandemie meer gescheiden hield dan me lief is, nieuwe manieren gevonden om tot elkaar te komen. De liefde voor familie en vrienden kan elke afstand overbruggen, en gelukkig helpt de technologie daar ook een beetje bij. Met elkaar hebben we op ons eiland laten zien; ook dit kunnen we aan. Door oog voor elkaar te hebben. Niet alleen voor elkaars gezondheid maar ook voor elkaars veiligheid en welzijn. Laten we dat op deze Kerstdag koesteren.
De uitdagingen waar Curaçao voor staat zijn groot; de door de pandemie verergerde armoedekloof, onzekerheid op de arbeidsmarkt, het uitblijven van investeringen, tekorten in maatschappelijke sectoren, het achterstallig onderhoud in de uitvoering van publieke diensten en de dalende onderwijsprestaties zijn zorgwekkend.
Het in juni aangetreden kabinet onder aanvoering van Minister President Pisas beseft dat ook. Het kabinet is voortvarend aan de slag gegaan met het uitvoeren van de gemaakte afspraken met Nederland in het kader van het Landspakket. Dat mag gezien en gezegd worden, en dat is iets wat we moeten vasthouden. De coronacrisis heeft zichtbaar gemaakt hoezeer we van elkaar afhankelijk zijn. Niet alleen onderling als bevolking van Curaçao maar ook als landen binnen het Koninkrijk, en zelfs wereldwijd. We hebben dat erkend en er wordt nu aan beide zijden van de oceaan hard gewerkt om door samenwerking binnen het Koninkrijk de crisis te bestrijden en door ontwikkeling en hervorming de weerbaarheid van ons eiland te versterken. Als we elkaar respecteren en vertrouwen geven, is die afhankelijkheid een kracht waarop we kunnen steunen. Binnen het Koninkrijk is er zoveel meer dat ons met elkaar verbindt dan dat ons van elkaar scheidt.
Het afgelopen jaar heeft ons eiland zich weer vrijgevig en solidair betoond. Zoveel eilandgenoten hebben zich belangeloos ingezet voor een goede zaak. We hebben daar mooie voorbeelden van kunnen zien tijdens het recente koninklijke bezoek van prinses Beatrix aan Curaçao. Of dat nou de dappere actie van de 10-jarige Oscar was die spontaan besloot te helpen bij het redden van een flamingo, die daarna Oscars naamgenoot werd, de continue inzet van medewerkers van organisaties tegen huiselijk geweld en kindermishandeling of het initiatief van buurtbewoners die door samen te werken een voedselbos konden aanleggen dat nu dagelijks voorziet in vers fruit en verse groenten. Al deze voorbeelden hoe groot of klein dragen bij aan verbondenheid en hoop waar het Kerstverhaal symbool voor staat. Dat maakt mij als jullie Gouverneur trots en ook dit is iets om te koesteren.
Noodgedwongen wordt onze individuele vrijheid nog steeds beperkt door de maatregelen die genomen zijn in de strijd tegen het coronavirus en die soms zware gevolgen hebben. Met zijn allen kunnen we die beperkingen aanvaarden, in plaats van ze te ondergaan. Vrijheid is alleen maar zinvol wanneer we die samen kunnen beleven en inzetten voor het welzijn van anderen, en in het bijzonder van de hele Curaçaose samenleving. De dag komt dat we opnieuw ongedwongen met elkaar kunnen omgaan; dat grootouders hun kleinkinderen op schoot kunnen nemen; dat we zonder beperkingen in de kerk, synagoge, moskee en tempel diensten kunnen bijwonen, samen van een mooi optreden kunnen genieten en in alle vrijheid feest kunnen vieren. Deze periode vraagt veel van een ieder, maar ik vraag u om vol te houden. Ik hoop op u te mogen rekenen, om ook op Curaçao het virus helpen terug te dringen. Dat is in het belang van iedereen; van mensen die ziek of kwetsbaar zijn en van hen die zich zorgen maken om hun naasten.
Wij kijken met u uit naar volgend jaar. Een jaar, waarin we de toekomst en hopelijk ook elkaar weer ten volle kunnen omarmen!
Mijn echtgenoot Herman en ik wensen u allen, waar u zich ook bevindt en hoe uw persoonlijke omstandigheden ook zijn, een gezegend Kerstfeest.
U bent in mijn gedachten.
