Ku un pasaporte hulandes nashonal por biaha rònt mundu. Ta importante pa ta den posishon di un dokumento di biahe bálido.

Si bo tin nashonalidat hulandes i ta biba na Kòrsou, bo por hasi un petishon na atministrashon di Registro Sivil (Servisio di Asuntunan Sivil, òf sea ‘Kranshi’) pa haña un pasport. Nabigantenan hulandes i hulandesnan ku ta hasi un biahe rònt mundu, por akudí na Gabinete pa hasi petishon pa un pasport. Ta di konsiderá ku hulandesnan ku ta registrá na un munisipio hulandes ta pidi un pasport na e munisipio en kestion. Hulandesnan ku ta bibá den eksterior, por akudí na e representashon diplomátiko di Reino Hulandes di e pais òf, si nan ta pa un temporada na Hulanda nan por traha un sita na un di e munisipionan ku ta outorisá pa duna dokumentonan di biahe na hulandesnan ku no ta biba na Hulanda.

Na aña 2024 e tarifa pa un pasaporte nashonal na Gabinete di Gobernador ta NAf 189,- (mayor di edat, balides di 10 aña), òf NAf 149,- (menor di edat, balides di 5 aña).