For di 10 di òktober 2010 Kòrsou tin, meskos ku Aruba, Sint Maarten i Hulanda, e status di pais den Reino. Den kada un di e paisnan di e parti karibense di Reino, Rèi ta representá pa un Gobernador. Tambe Gobernador ta pará na kabes di gobernashon di Kòrsou. Ku esaki Gobernador ta e símbolo di union di Reino Hulandes. Pa ehekutá su tarea- i kompetensianan na un manera adekuá Gobernador tin un propio Gabinete na su disposishon.
 
Riba e website aki bo ta haña informashon tokante trabounan, responsabilidat- i  tareanan di Gobernador. Ta pone speech i otro notisianan importante tambe riba e website. A base di e informashon aki i e potrètnan ku ta aparesé, por haña un bista riba e trabounan di Gobernador. Tambe por akudí na e website aki pa haña informashon tokante Gabinete di Gobernador; en partikular tokante asuntunan konsular manera hañamentu di ‘Nederlanderschap’ i dunamentu di visa (Schengen) òf pasaporte (di emergensia)

Laatste nieuws

Diskurso di Gobernador di Kòrsou Sra. L.A. George-Wout na okashon di resèpsi di aña nobo djabièrnè 3 di yanüari 2020

 
 

Diskurso di Gobernador di Kòrsou 

Sra. L.A. George-Wout

na okashon di resèpsi di aña nobo 

djabièrnè 3 di yanüari 2020 

 

Ekselensianan, damas i kabayeros, bon nochi.

Dushi pa mira boso tur akí awe nochi den un aña nobo. Na okashonnan manera esaki ta un bon kustumber mira bèk riba trayektoria di e aña ku a pasa, pa mesora fiha bista tambe riba e periodo nos dilanti. Den masha sentido 2019 no tabata un aña simpel ni fásil. Desaroyo ménos faborabel ku den e añanan tras di lomba tabata sombra, a bira klaramente visibel i na medida kresiente tambe hende a sinti e realidat akí. Mi ta pensa ku mayoria di boso lo ta di akuerdo ku mi. Afortunadamente nos por nota desaroyo positivo tambe. Ta presisamente e desaroyonan positivo akí mester motivá nos pa bai dilanti.   

 

Damas i kabayeros,

Manera menshoná kaba, ta ku sintimentu miksto nos ta mira bèk riba 2019. Atrobe a pone nos sosiedat i su habitantenan na prueba. Desafortunadamente, den sentido ekonómiko, sosial i finansiero nos no a bai dilanti na 2019. Den término ekonómiko, por ehèmpel, tabata un aña atrobe di kontrakshon, loke ta nifiká entre otro, ku nos, gobièrnu, empresa- i siudadanonan, un biaha mas tabatin ménos sèn pa gasta. I pa 2020 tampoko nos no ta mira kresementu ekonómiko na horizonte. Ta un tendensia ku mas i mas ta preokupá mi. E próksimo periodo lo no ta fásil pa persona- i empresanan ku ya ta luchando. E situashon ekonómiko na Kòrsou, di un banda provoká pa e situashon na nos pais bisiña Venezuela, ta krea mayor insertidumbre. E konsekuensianan sosial di nos ekonomia tambaliante ta klaramente visibel i loke ta reforsá esakinan ta e echo ku reseshon ekonómiko ta kana samsam ku oumento di kriminalidat i konsekuentemente ku oumento den e sensashon di inseguridat di nos siudadanonan. 

Finansa públiko tabata i ta sigui ta motibu di preokupashon. Asina tantu hasta,  ku e situashon a resultá den un aanwijzing di Konseho di Minister di Reino. E aanwijzing a bini despues di konseho di  Konseho di supervishon finansiero, ku durante e último añanan na hopi okashon a ekspresá su preokupashon tokante e maneho finansiero di Kòrsou i e défisit di presupuesto di pais ku ta blo sigui oumentá. Sin embargo no ta den gobièrnu so ta eksistí opstákulo finansiero urgente, sektor bankario tambe konosé klaramente su retonan ku mester borda ku entusiasmo! 

Dama i kabayeronan,

E imágen problemátiko ku mi a kaba di pinta no ta pidi solushon, e ta grita, sklama pa solushon! Ta problemanan importante ku nos no por ni nos no tin mag di pasa pa generashonnan benidero. Por sierto, ta nos deber na nos yunan pa solushoná e problemanan aki i awor. Manera nos Promé Minister a bisa resientemente den VBC, nos lo mester superá nos resistensia pa loke ta e reformanan. Mi ta totalmente di akuerdo ku importansia di e pensamentu akí. No na último lugá pasobra e situashon finansiero ekonómiko ya kaba tin konsekuensia sosial i ku esaki e tin reperkushon serio riba nos komunidat i nos siudadanonan. E konsekuensianan akí ta promové desigualdat, hende den nesesidat i intoleransia, anto esaki ta daña no solamente e konfiansa di nos siudadanonan den nos polítika i gobernashon, sino tambe e konfiansa di invershonistanan potensial na fo’i tera. Realmente ..., nos mester hasi algu. 

…….

Karakter i seriedat di e problemanan sin embargo no ta hasi buskamentu di solushon fásil; ami tampoko no tin e kontesta integral. Loke sí mi ta mira ta ku, ku demasiado frekuensia nos ta keda na bon intenshon i ku nos ta neglishá  ehekushon di nos intenshonnan. Sin embargo nos lo mester konsentrá mas riba ehekushon di e plan- i e ideanan. No solamente top-down, di ariba bai abou, sino asosiá nos enfátikamente ku asosiashonnan na nivel lokal, den barionan i huntu ku NGO-nan i otro asosiashonnan sosial di importansia pa logra éksito di nos proyektonan. Ta di importansia tambe pa rekonosé ku nos enfoke por ta efikas si nos skucha otro ku rèspèt, si nos habri nos mente i enfrentá nos retonan ku kurashi, inisiativa i desishon. Laga nos kompará tambe kiko ta pasa na e otro paisnan den Reino. Mira Boneiru òf Hulanda por ehèmpel kaminda kos ta kanando masha bon mes. Mira, siña i spesialmente probechá e posibilidatnan ku nos posishon den Reino ta ofresé nos. Un bunita ehèmpel ta e kosnan rònt di e konferenshanan ‘Bon biní for business’. 

E strategia di kresementu ku gobièrnu a akordá ku Hulanda por sirbi komo un bon base pa e kaminda ku ta bai direkshon ariba, pero mester sosodé mas,  muchu mas ainda. P’esei mi ta hasi un yamada na dunadónan di trabou i na empleadonan, na gobièrnu i na mundu di negoshi, na siudadanonan i na mundu di polítika, pa tur hende uni forsa pa kambia e rumbo ku kos ta bayendo. Ta huntu nos mester ta desisivo, mustra inisiativa i tuma responsabilidat, ku e konvikshon ku nos ta superá nos problemanan. 

Damas i kabayeros,

Afortunadamente, no ta tur kos ta preokupante i ta surgiendo tambe e desaroyonan positivo nesesario. Turismo ta sigui desaroyá fuertemente. Tambe e otro sektornan manera, konstrukshon ta benefisiá plenamente di esaki. Proyektonan manera Marriot, pero tambe Corendon i Majestic ya ta dunando fruta. Sin embargo mi ta sumamente kontentu ku desaroyo di loke tabata Coral Cliff na Santa Marta komo esaki ta masha importante pa e hendenan na Bándabou. 

Respekto di refineria tambe, ta parse ku e insertidumbre ta ménos awor ku tin un akuerdo ku grupo-Klesh i Gabinete Rugghenaath a duna klaridat tokante e periodo di transishon te ora ku Klesh konkretamente tuma over e operashon. E echo akí ta un bendishon pa hopi famia ku sea parsialmente òf tin bia totalmente ta dependé di entrada di nan trabou na Isla. 

Finalmente nos a traha un hòspital fantástiko. Un hòspital ku nos siudadanonan por ta orguyoso di dje i ku ta hasi posibel ku hende por risibí e kuido ku nan meresé. Nos mester enfrentá realidat sí i keda krítiko. E hòspital a kosta masha masha hopi plaka i mester traha pa rekobrá e kosto ei. Ta importante pa esaki sosodé miéntras ku na mes tempu e kuido pa tur hende ta na nivel i ta keda pagabel pa tur hende. 

Damas i kabayeros,

Dos luna pasá Konseho di Minister di Reino di Hulanda a aprobá e nominashon pa bolbe elegí mi komo Gobernador di Kòrsou. Ku ta permití mi sigui sirbi pueblo di Kòrsou na e posishon prestigioso akí, ta i ta keda pa mi un honor sin midí. Ta un tarea ku mi ta tuma mashá na serio. Ta klaro ku mester ta asina tambe, teniendo na kuenta e retonan nos dilanti ku ta di tamaño konsiderabel i na gran kantidat. Retonan ku konhuntamente nos mester borda. Huntu nos tin di lucha komo gobernashon i gobièrnu, huntu ku mundu di negoshi, huntu ku partnernan sosial í ku siudadanonan. Ta asina so nos por pèrkurá pa progreso sosial i ekonómiko, pa preservá nos seguridat hurídiko i pa stabilidat finansiero, di moda ku prosperidat i bienestar pa nos pueblo ta keda sigurá; pa awor i pa futuro. No ta tur kos ta sigur, pero un kos sí e pueblo akí por konta kuné. Ami den tur kaso ta kompletamente kla pa e lucha!

Huntu ku boso mi ta bati glas. Na nòmber di mi esposo Herman mi ta deseá bo i bo hendenan un aña nobo masha próspero i bon di salú! 

Salú!

Proost!

 

 

 

Toespraak van de Gouverneur van Curaçao

Mw. L.A. George-Wout

Ter gelegenheid van de nieuwjaarsreceptie

Op vrijdag 3 januari 2020

 

Excellenties, geachte aanwezigen, bon nochi.

Fijn om u allen hier vanavond te zien in het nieuwe jaar. Bij gelegenheden als deze is het goed gebruik om terug te kijken op het afgelopen jaar om vervolgens de blik te richten op de periode die voor ons ligt. In veel opzichten was 2019  geen eenvoudig jaar. Minder gunstige ontwikkelingen die zich reeds in de voorgaande jaren leken af te tekenen, werden duidelijker zichtbaar en in toenemende mate ook voelbaar. Ik denk dat de meeste van u dit met mij eens zullen zijn. Gelukkig zijn er ook positieve ontwikkelingen waar te nemen. Het zijn deze ontwikkelingen waar we ons aan zullen moeten optrekken.    

Dames en heren,

Als gezegd was 2019 een jaar waar we met gemengde gevoelens op terug kunnen kijken. Onze samenleving en haar burgers werden wederom op de proef gesteld. Economisch, sociaal en financieel gingen we er in 2019 helaas niet op vooruit. Zo was er in economische zin opnieuw sprake van een jaar met krimp hetgeen onder andere inhoudt dat we allemaal, overheid, bedrijven en burgers, wederom minder te besteden hebben. En ook voor 2020 wordt geen economische groei voorzien. Het is een trend die mij in toenemende mate zorgen baart. De komende periode zal niet eenvoudig worden voor de mensen en de bedrijven die het nu al moeilijk hebben. De economische situatie in Curaçao, mede ingegeven door de toestand in ons buurland Venezuela, zorgt voor verdere onzekerheid. De sociale gevolgen van onze haperende economie zijn duidelijk zichtbaar en worden versterkt door het feit dat economische neergang meestal hand in hand gaat met een toename van criminaliteit en daarmee met een vergroting van het gevoel van onveiligheid bij onze burgers.

Ook de overheidsfinanciën waren en blijven een punt van zorg. Zozeer zelfs dat het resulteerde in een aanwijzing van de Rijksministerraad. Deze aanwijzing volgde op het advies van het College financieel toezicht, dat de afgelopen jaren telkenmale zijn zorgen heeft geuit over het financieel beheer van Curaçao en het oplopen van de tekorten op de begroting van het Land. Echter niet alleen binnen de overheid is er sprake van dringende financiële knelpunten, ook de bancaire sector kent nadrukkelijk haar uitdagingen welke met verve aangepakt moeten worden!

Dames en heren,

Het problematische beeld dat ik zojuist heb geschetst vraagt niet om een oplossing, het schreeuwt om een oplossing! Het zijn grote vraagstukken die we niet kunnen en niet mogen doorschuiven naar toekomstige generaties. Sterker nog, het is een plicht aan onze kinderen om ze hier en nu op te lossen. Zoals de premier recent bij de VBC heeft aangegeven, zullen we daarvoor ook onze weerstand ten opzichte van hervormingen moeten overwinnen. Ik onderschrijf nadrukkelijk het belang hiervan. Niet in de laatste plaats omdat de financieel economische situatie nu reeds grote sociaal maatschappelijke gevolgen heeft en daarmee nadrukkelijk een weerslag heeft op onze samenleving én op onze burgers. Ze werken ongelijkheid, behoeftigheid en onverdraagzaamheid in de hand en schaden niet alleen het vertrouwen van onze burgers in onze politiek en bestuur, maar ook dat van potentiële buitenlandse investeerders. We moeten echt nu iets doen…

…….

De aard en ernst van de problemen maakt het zoeken naar oplossingen echter niet eenvoudig; ik heb het alomvattende antwoord ook niet. Wat ik wel zie is dat we te vaak blijven steken in goede voornemens en dat we de uitvoering veronachtzamen. Het is echter juist de uitvoering van plannen en ideeën waar de nadruk op zou moeten liggen. Niet alleen top-down, maar nadrukkelijk in partnerschap met de samenwerkingsverbanden op lokaal niveau, in de bario’s, en tezamen met de NGO’s en andere maatschappelijke verbanden die van belang zijn voor het welslagen van onze projecten. Daarbij is ook van belang dat we erkennen dat we alleen dán doeltreffend in onze aanpak kunnen zijn wanneer we met respect naar elkaar luisteren, onze geesten openstellen voor de ander en met durf, initiatief en daadkracht onze uitdagingen aangaan. Kijk hierbij ook eens naar andere landen in ons Koninkrijk. Kijk bijvoorbeeld naar Bonaire of Nederland waar het momenteel erg goed gaat. Kijk, leer en maak vooral gebruik van de mogelijkheden die ons in dit verband binnen het Koninkrijk geboden worden. De conferenties rond bon bini for business zijn hier een mooi voorbeeld van. 

 

De door het kabinet met Nederland overeengekomen groeistrategie kan een goede basis dienen voor de weg naar boven, maar er moet meer gebeuren, veel meer. Ik doe daarom hierbij een appèl op werkgevers en werknemers, op overheid en bedrijfsleven, op burgers en politiek om gezamenlijk de handen ineen te slaan teneinde het tij te kunnen keren. Samen moeten we daadkrachtig zijn, initiatief en verantwoordelijkheid tonen en de overtuiging hebben dat we onze problemen gaan overwinnen.  

Dames en heren,

Gelukkig is niet alles zorgelijk en tekenen zich ook de nodige positieve ontwikkelingen af. Zo blijft het toerisme zich sterk ontwikkelen. Ook andere sectoren, zoals de bouw, profiteren hier volop van. Projecten als het Marriot, maar ook dat van Corendon en het Majestic werpen nu reeds hun vruchten af. Het meest ben ik echter verheugd over de ontwikkeling van het voormalige Coral Cliff in Santa Marta aangezien het zo enorm belangrijk is voor de mensen in Banda Abou. 

Ook ten aanzien van de raffinaderij lijkt de onzekerheid gelukkig verminderd nu er een akkoord met de Klesch-groep is gesloten en het kabinet duidelijkheid heeft verschaft over de transitieperiode totdat Klesch daadwerkelijk de exploitatie ter hand zal nemen. Dit gegeven is een zegen voor vele gezinnen die deels of soms helemaal afhankelijk zijn van het inkomen van de Isla.  

Ten slotte hebben we een fantastisch ziekenhuis laten bouwen. Een ziekenhuis waar Curaçao trots op kan zijn en waardoor de burger de zorg kan krijgen die hij of zij verdient. We moeten echter ook realistisch en kritisch blijven. Het ziekenhuis heeft heel veel gekost en die kosten moeten nog terug verdiend worden. Het is zaak dat dit gebeurt terwijl tegelijkertijd de zorg voor iedereen op niveau én betaalbaar blijft. 

Dames en heren,

Twee maanden geleden is de Rijksministerraad akkoord gegaan met de voordracht voor mijn herbenoeming als Gouverneur van Curaçao. In deze mooie functie het volk van Curaçao te mogen dienen is en blijft voor mij een hele grote eer. Het is een taak die ik niet licht opvat. Dat kan ook niet aangezien de uitdagingen waar we voor staan fors in omvang zijn en flink in aantal. Uitdagingen die we gezamenlijk moeten oppakken. Gezamenlijk moeten we als bestuur en overheid, tezamen met bedrijven, sociaal maatschappelijke partners én burgers, de strijd aangaan. Alleen dan kunnen we zorgen voor sociale en economische vooruitgang, voor behoud van rechtszekerheid en voor financiële stabiliteit zodat welvaart en welzijn van onze bevolking verzekerd blijft; voor nu en voor in de toekomst. Niet alles is daarbij zeker, maar van één ding kunt u op aan. ĺk ben er in elk geval helemaal klaar voor!

Graag hef ik samen met u het glas. Mede namens mijn man Herman wens ik u en de uwen een heel voorspoedig en gezond nieuwjaar!

Salud!

Diskurso di Gobernador di Kòrsou na okashon di selebrashon di Pasku 2019

Diskurso di Gobernador di Kòrsou na okashon di selebrashon di Pasku 2019 

 

Estimado, mui estimado konsiudadanonan,

Kumbai? Òf ... Kon ta bai? Asina nos ta puntra hopi biaha – di pasada –  ora nos topa famia-, amigu- i konosínan; ta kasi un ritual; apénas nos ta skucha e kontesta; pasobra – mes di pasada – e kontesta ta generalmente: “basta bon”; òf si e beis ta kontentu e ora ei: “hopi bon”. Pero ... kon ta ku bo realmente?

Ta un pregunta asina importante, ku kua nos por mustra interes den bienestar di nos próhimo … Pero e interes mester ta sinsero sí, independiente di e kontesta. Inkluso si e kontesta no ta outomátikamente positivo i e otro persona indiká ku kos no ta bayendo bon.

E ta sea preokupá ku su salú, preokupá pa estudio di e yunan òf si lo e keda mantené su trabou.

Anto e ora ei, òf mas bien nèt e ora ei, ku e kontesta ta parse inkómodo, tin tur rason pa profundisá, mustrando di bo parti mas interes. Bo famia, amigu òf amiga tabata  vulnerabel ... ora el a mustra su konfiansa i ker a kompartí su inkietutnan ku bo.

Kisas ni sikiera masha konsientemente, pero aparentemente e preokupashonnan ei tabata okupá su mente asina tantu, ku e kontesta a sali: “No muchu bon” ... òf “Mi ta preokupá ku .... tal i tal kos.”

Den un situashon asina tin tur rason pa nos sigui hasi pregunta; pa puntra kiko presis ta su preokupashon. Esei ta duna e  hende oportunidat di habri su kurason ku bo. Doló kompartí ya ta duna konsuelo.

No nesesariamente bo mester tin un solushon pa e hende ei, sino sí e empatia pa skuch’é i mustra kompashon. Ku e aktitut akí bo ta yuda un hende asina,  pasobra e ta sinti ku realmente bo a skuch’é.

Un gesto chikitu ku bon intenshon ya por tin un gran impakto.

Tin bia e preokupashon- i e problemanan ta demasiado serio o demasiado kompleho, òf ta algu fuera di kontròl di bo famia o amigu pa e mes por hasi algu al respekto. Den tal kaso lo no ta fásil pa bo tampoko bini ku solushon. Pero pensa kuné, analisá e situasho. Pensa na bos altu tokante posibel solushon tambe por habri kaminda, pa mira e situashon for di un otro ángulo i asina mengua e preokupashonnan. Kisas tòg bo por hasi algu konkreto, pa kontribuí na solushon di e problemanan di e hende.

Den e tempunan difísil ku den sentido ekonómiko i finansiero nos pais i nos komunidat ta pasando aktualmente, ta di sumo importansia pa nos pone atenshon na bienestar di otro. 

Pasobra e efektonan sosial lo no laga di afektá tambe enan rondó di nos.

Nos tur konosé hende ku e situashon akí ta afektá. I nos mes tambe lo sinti e efekto. Nos lo nota esaki na eskala mayor, ora por ehèmpel un empresa òf institushon mester sera, pero tambe na eskala menor, ora fatalidat di un forma òf otro toka nos bisiñanan òf nos famia. Den situashon  asina ta di importansia pa nos t’ei pa otro i skucha otro ku atenshon.

Nos mester evitá ku pa motibu di kontratempu hende ta keda aislá. P’esei papia ku otro ta asina importante. Kòmbersando, nos ta tene e liñanan di komunikashon habrí entre nos un ku otro i ku komunidat. I asina hende por bolbe mira oportunidat ora esakinan presentá. Mantené fe den futuro ta e forsa flotante di desaroyo pa nos komo hende i pa nos komunidat komo totalidat.

Ke men ta un enkargo pa nos tur pa keda den kontakto ku otro. I pa mustra komprenshon pa situashon di otro. Pero teniendo na kuenta tambe, e situashon den kua nos ta aden akí, pa nos no ferwagt loke ta imposibel un di otro. Esaki ta konta tantu pa relashon ku nos famia- i amigunan, komo pa e relashon di gobièrnu ku e organisashonnan i partnernan sosial. Sinseridat i honestidat di nos tur un pa otro ta di enorme importansia. Ta e ora ei so nos lo por komprondé i tene kuenta ku otro.

Pasku di nasementu ta fiesta di lus pa nos bida i fiesta di amor pa próhimo. Nos ta selebrá: “Pasobra un yuchi a nase pa nos, ta un yu hòmber nos a haña. E ta karga e poder soberano riba Su skouder. E ta yamá: Konsehero Maravioso, Dios Fuerte, Tata Eterno, Prínsipe di Pas.”

Spesialmente durante e dianan di fiesta aki ta bon pa nos pensa kiko nos por nifiká pa otro i pa nos pais.

 Bon intenshon no tin nodi di warda te aña nobo.

Kada dia ku habri ta duna posibilidat nobo pa nos kumpli.

Laga e intenshon ei ta,  pa nos dediká nos na papia ku otro, hasi pregunta ku sinseridat na nos próhimo pa laga e otro sinti ku nos ta honestamente interesá den su bienestar.

Tambe na nòmber d mi esposo, mi ta deseá tur hende un Pasku yen di bendishon!

SPEECH VAN DE GOUVERNEUR VAN CURAÇAO TGV DE KONINGSDAGRECEPTIE MW. L.A. GEORGE-WOUT 26 APRIL 2019

SPEECH VAN DE GOUVERNEUR VAN CURAÇAO TGV DE KONINGSDAGRECEPTIE

MW. L.A. GEORGE-WOUT

26 APRIL 2019

Excellenties, dames en heren, bon nochi.

Ik heet u allen van harte welkom op deze mooie avond. Het is altijd fijn om te zien dat u in zo’n grote getale op mijn uitnodiging bent ingegaan. 

Bij avonden als deze maak ik graag van de gelegenheid gebruik om een bepaald thema of kwestie aan de orde te stellen. Dit jaar vond ik dit echter lastig. Niet zozeer het bepalen van het thema als zodanig, maar meer omdat het in onze samenleving zo’n beladen onderwerp is. Over iets meer dan een maand  staan we namelijk stil bij het feit dat het 50 jaar geleden is dat de  gebeurtenissen op 30 mei 1969 plaatsvonden. Deze historische dag , die velen van ons zelf bewust hebben meegemaakt, heeft een onuitwisbare indruk op ons allen nagelaten. Hoewel vandaag al bijna een halve eeuw geleden, werken de gebeurtenissen van 30 mei door tot op de dag van vandaag en hebben daarmee een enorme impact op onze bevolking gehad. Het is niet voor niets dat ook heden ten dage nog over de exacte gebeurtenissen van die dag wordt gesproken en ook wordt getwist. Over de gebeurtenissen op de bewuste dag zelf  wil ik het nu niet hebben, gedane zaken nemen namelijk geen keer. Wat mij wel intrigeert zijn de lessen die we uit de gebeurtenissen van 30 mei kunnen trekken. Wat hebben we daadwerkelijk geleerd van die dag? Hebben we wat geleerd en zijn we sindsdien gegroeid als volk? Gegeven de verschillende visies op de problematiek is een eenduidig antwoord op die vraag niet eenvoudig te geven. De belangrijkste les die ik er zelf aan overgehouden heb is dat geweld nooit de oplossing is; niet van de zijde van de burgerij, en ook niet van de kant van het bestuur. Geweld polariseert de samenleving en zorgt er voor dat mensen verder uit elkaar groeien in plaats van naar elkaar toe. Verschillen in opvatting dienen dan ook niet opgelost te worden op de barricaden, maar aan tafel. Alleen door in gesprek te blijven en door het debat te voeren met respect voor uiteenlopende visies en belangen, kunnen meningsverschillen nader tot elkaar worden gebracht.  Dat moet je doen in tijden van voorspoed, maar zeer zeker in tijden wanneer er tegenwind is.  

En zo kom ik tot de uitdagingen waarvoor we ons momenteel gesteld zien. Ik zeg bewust ‘we’ omdat ik niet alleen doel op het bestuur, niet alleen op de bedrijven en instellingen, maar op ons allemaal. Al enige tijd ervaren we financieel-economische en sociale neergang en het einde lijkt nog niet in zicht. Stijgende werkeloosheid, dreigende bezuinigingen en onzekerheid ten aanzien van de raffinaderij; het land en haar bevolking lijden onder de omstandigheden waar zij zelf slechts deels voor verantwoordelijk zijn. Het toerisme is de sector die we moeten koesteren nu deze zich aan de economische malaise lijkt te onttrekken. Het mag niet geraakt worden door onrust in ons land. Het is in deze moeilijke tijden dat we ervoor moeten waken dat populisme en gevoelens van onverdraagzaamheid de kop op kunnen steken. Dat kunnen we niet laten gebeuren en dat mogen we niet laten gebeuren. Het is aan ons allen om hier weerstand aan te bieden door elkaar vast te houden en respect te tonen voor een andere zienswijze. Maar ook kritisch naar ons zelf blijven kijken en ons afvragen of we wel het goede doen. Krijgen de burgers wel gelijke kansen? Worden de maatschappelijk opbrengsten eerlijk verdeeld? Voelt de burger zich rechtvaardig behandeld? Ik heb de stellige overtuiging dat wanneer we dit blijven doen, we niet alleen  gezamenlijk deze storm zullen doorstaan, maar er samen ook sterker uit zullen komen. 

Dames en heren, 

Een mooie traditie van Koningsdag is dat we niet alleen de verjaardag van onze Koning Willem-Alexander vieren, maar ook dat we het moment gebruiken om expliciet stil te staan bij een bijzondere groep mensen die zich belangeloos en langjarig hebben ingezet voor onze samenleving. De gebieden waarop zij zich inzetten zijn divers, maar altijd wezenlijk. Of het nu het ondersteunen is van minderbedeelden, een bijdrage leveren aan het behoud van onze cultuur of inzet is voor de sport, allen verdienen onze hoge waardering. De nadrukkelijke publieke erkenning krijgen zij van ons vandaag, maar verdienen deze natuurlijk het hele jaar door!

Deze ochtend mocht ik 14 fantastische Curaçaoënaars bekend maken die geëerd zijn met een onderscheiding die hen door zijne Majesteit is verleend. Deze toppers zijn vanavond bijna allemaal aanwezig en ik wil ze bij deze nogmaals van harte feliciteren met hun onderscheiding en ze bedanken voor hun tomeloze inzet gedurende de afgelopen jaren! 

Graag hef ik samen met u het glas en breng ik een toast uit op de gezondheid van Zijne Majesteit de Koning en op de verdiensten van onze decorandi.

Leve de Koning!!!!!

Biba e Rei!!!!

 

DISKURSO DI GOBERNADOR DI KÒRSOU  SEÑORA LUCILLE GEORGE-WOUT SINTA NA KANTIDAT DIA 26 DI APREL 2019

ISKURSO DI GOBERNADOR DI KÒRSOU 

SEÑORA LUCILLE GEORGE-WOUT

SINTA NA KANTIDAT

DIA 26 DI APREL 2019

 D

Bon dia tur hende presente, i partikularmente nos dekoradonan, 

Awe ta un dia grandi i spesial atrobe. Un dia pa nos reflekshoná i rekonosé tur e hendenan komprometí ku nos sosiedat ku di forma boluntario i ku pleno dedikashon ta traha pa e komunidat akí. P’esei mes tambe ta un honor pa na nòmber di Su Mahestat Rei mi por otorgá boso un Kondekorashon Real. Na tur, ta 14 persona, di kua dos no por ta presente awé, lo risibí kondekorashon. Ta un distinshon ku kada un di boso realmente meresé! Pasobra un sosiedat no por sin hende manera boso. 

 

Mas i mas ta notabel kon duru kurason di hendenan den nos komunidat ta bira. Duru den e sentido ku kada ken ta pa su mes, sin ta paga muchu tinu na su próhimo den nesesidat. Afortunadamente den boso kaso esei ta otro! 

 

E tendensia egoista akí ta kana samsam ku e normanan ku a blikia. Mi ta di opinion ku nos mester kibra e tendensia akí i regresá na loke ta nos base, kaminda ta importante pa ta ehèmpel i duna bon ehèmpel. Karakterístikanan esensial manera integridat, hustisia i miserikòrdia mester bolbe bin destaká. Pasobra ta parse ku hopi hende a pèrdè e balornan akí for di bista. Anto ku esei mi ke men ku mas i mas hende ta di opinion ku nan por eksigí sierto kos, pasobra nan ta konsiderá ku esei ta nan derecho. Por sierto hopi bia no ta masha kla di unda e derecho ei ta bini. P’esei lo mi tin gana di mira ku hende ta bai dediká nan di un forma modesto na sirbi na lugá di eksigí. Un kambio asina ta benefisioso pa henter komunidat. Ta di mashá importansia pa huntu nos progresá komo hende i no laga progreso pa djis un grupo selekto so. 

 

Ku boso esfuerso boso ta okupá diariamente ku yuda hende pa nan bai dilanti. Boso ta keda den e ròl di sirbidó na bienestar di boso próhimo, tin bia asta a kosto di boso propio interes. Nada malu ku esei, pasobra komo sosiedat nos mester hasi sakrifisio bai i bini, pa nos yega atrobe na esensia di eksistensia humano. Ku debido orguyo Kòrsou por bisa ku boso manera di ser i boso dedikashon na boso semehante ta bon pa nos pais. Boso ta duna ehèmpel kon mester anda, sea ta den deporte, den misa, den bo bario òf den arte. Tur esakinan ta tereno ku ta konektá hende ku otro i kaminda hende tin mesté di otro. 

 

Lo mi ke animá boso pa sigui ku boso trabou i sigui marka pouta di dunadó di bon ehèmpel. Ta duna otro hende speransa, i... mi tambe. Hopi hende ta dependé di boso kontribushon i di boso yudansa. Pa nan, boso ta di balor inkalkulabel. Boso tin un ròl masha importante den nos sosiedat i mi ta spera sinseramente ku boso lo por sigui desempeñá e ròl akí pa hopi aña mas. 

Mi ke konsiderá kòrtiku asina boso aktividatnan spesial, ku ta loke a kondusí na e distinshon akí. 

 

Miembro den Órden di Oranje Nassau

1 Sra. M.E. Mathew-Barry Komo miembro aktivo di iglesia Ebenezer bo a okupá un lista di funshon masha largu i impreshonante. Di sekretario i rekoudadó di fondo, te presidente di ‘Ebenezer Women’s Group’. Bo ta semper kla pa sirbi bo próhimo. Niun pregunta, niun petishon no ta demasiado pa bo. Semper lo bo mira kon ta hasi pa bini kla. Bisa nò, no ta bo banda mas fuerte. Via ‘Miss Lee Foundation’ bo ta yuda mucha i adulto mediante kurso, pa nan desaroyá nan kualidatnan sosial i personal. Pero no ta via iglesia so..., tambe via ‘Health Care Toastmaster Club’ i ‘Female Jaycees Curaçao’ bo ta purba yuda e miembronan den desaroyo di nan kualidatnan personal i komo lider. Pa tal dedikashon a nombrá bo asta Senador di ‘Jaycees International’.

2. Sr. E.C.F. Bertad Despues di tabata 40 aña aktivo den enseñansa, bo ta guia hóbennan tambe komo coach, den sòfbòl i den futbòl di sala. Bo a sa di logra asta 7 kampionato tras di otro. Pero no ta hóbennan so a hòrta bo kurason. Bo tin 21 aña ta dediká bo na bo bario Willibrodus, komo presidente di sentro di bario. Bo a lucha tambe pa playa di Daaibooi keda libremente aksesibel i ku éksito! I komo si fuera no ta basta, bo tabata aktivo den polítika i bo tabata 10 aña miembro di direktiva di PNP. 

3 Sr. O.F. Cuales Señor Cuales, asina menshoná bo nòmber, mesora Curom ta bini na mente. Bo tin mas di 45 aña enkargá ku programa di radio i bo ta duna reportahe di tópiko- i temanan diverso. Prinsipalmente bo narashon deportivo a duna deporte un otro dimenshon. E estilo ku bo a nara beisbòl a hasi e deporte akí mashá popular serka hóbennan. Hende a yega na mira deporte ku henteramente un otro bista. I narando na papiamentu bo a tene e leng’akí bibu i den desaroyo. Banda di e narashon i papiamentu ku tin bo interes, b’a dediká bo tambe hopi aña pa mantené e tradishon di Karnaval i Kultura di Kòrsou en general. Den e kuadro ei tambe bo a okupá vários kargo ehekutivo. 

4 Sra. M.A. Esclodina Banda di bo trabou komo dosente den enseñansa spesial, bo ta dediká hopi tempu na religion i iglesia. Bo ta un forsa indispensabel na parokia di ‘Christus de Goede Herder’. Bo ta enkargá spesialmente ku duna guia religioso na mucha- i hóbennan i partikularmente hóbennan ku kapasidat limitá pa siña. Bo ta yuda ku atministrashon di Parokia i bo ta dediká bo na hendenan den nesesidat. Esaki bo ta hasi ofresiendo nan yudansa finansiero, pero tambe kolektando nesesidat di tur dia. Ta un dedikashon inkansabel ku bo ambiente no a laga di nota. 

5 Sra. A.M.P. Jessurun.

 

 

“Señora Jessurun awe ta strobá i lo e risibí su Kondekorashon Real na un otro okashon.” Komo persona kende a tuma e inisiativa i komo fundadó di Arte di Palabra, b’a stimulá amor pa Kultura di Kòrsou i pa papiamentu i pone esaki sentral serka hóbennan. Asta Aruba i Boneiru, inspirá pa bo, tin nan propio Arte di Palabra i ta tene kompetensia entre e islanan ABC. Tur esaki a meresé korona tambe, pasobra Arte di Palabra a risibí vários premio, manera por ehèmpel 

Premio Internashonal pa Lenga Materno, Stanley Lamp Award i Premio Biennal Pierre Lauffer, Chapi di plata. Banda di Arte di Palabra bo ta tene papiamentu bibu, skibiendo pa enseñansa buki na papiamentu bo mes. Te dia djawe ainda ta hasi hopi uso di esakinan. Danki pa e kontribushon akí! Anto, no ta skibimentu di buki pa enseñansa so tabata importante pa bo. Guia e alumnonan tabata nifiká ainda muchu mas. Den bo funshon di konrektor bo studiantenan semper por a yega serka bo i haña oido. 

6 Sra. S.E. Nisbeth-Larmonie

 

 

“Señora Nisbeth-Larmonie awe ta strobá i lo e risibí su Kondekorashon Real na un otro okashon.” E pashon ku ta bibu den bo ta manera ‘Sanger ta sarafina... si e no por kana, e ta gatia.’ No opstante bo edat, bo ta keda dediká bo na desaroyo di kanto i na dirigí vários kor, manera ‘Bach Koor Curaçao’, kor ‘Orfeon Crescendo’ i e kor ‘Forti Kantando’. Banda di duna lès den formashon musikal tantu na adulto komo na mucha den sentronan di bario, bo a okupá tambe funshonnan ehekutivo pa kor di ‘Sta. Rosa de Lima’ i pa ‘Stichting Educatie Dirigenten en Koristen Kanta den Tono ku Amor i Alma’. Hopi aña largu bo tabata e forsa propulsor tras di organisá kurso di kanto koral i di dirigente koral. Danki pa loke bo a nifiká pa muzik na Kòrsou, i ta nifiká te ainda! 

7 Sra. E.F. Martis-Leito Konvensí ku edukashon i desaroyo ta yabi pa futuro, b’a dediká bo na bo próhimo hopi aña largu via enseñansa i iglesia. Komo un hende ku tabatin un hubentut difísil e mes, bo por komprendé hende den difikultat bon i tabata bo plaser saka un man pa yuda nan. Via enseñansa, banda di duna lès, bo a yuda tambe desaroyá pa skol vários material na papiamentu.

Resientemente b’a publiká asta un outobiografia titulá ‘Ami ta Judith’. Bo tabata semper dispuesto pa yuda alumnonan ku nan spreekbeurt, opstel i resitashon. Di pursi pa bo, enseñansa ta yabi pa futuro. Te dia djawe ainda bo ta aktivo den bo komunidat di iglesia. Bo ta duna guia na adulto pa prepará nan pa e sakramentonan, bo ta tene charla i duna lès di katisashi. Tur esaki bo ta hasi pa motivá hende ku nunka nos no mester entregá. 

8 Sr. N.D. Martina Komo lider spiritual di ‘Prison Fellowship Curaçao’ bo ta nifiká asina tantu pa èks detenidonan i nan famia... No solamente bo ta guia nan pa nan keda riba bon kaminda, bo ta yuda nan tambe finansieramente i materialmente. Anto bo ta hasi esaki for di bo mes saku. Asta bo a tuma famia di un detenido 3 aña den bo kas. Ainda, komo kapelan/kuidadó religioso na prizòn, bo ta keda dediká bo na e detenidonan i via Brasami, na otro hendenan ku mesté di yudansa. Kaminda hopi hende ta pèrdè speransa den detenidonan, abo t’ei semper ku bo positivismo pa yuda e hendenan akí pasa den tempu difísil. 

9 Sr. R.B. Pereira Señor Pereira, amor pa mucha i deporte ta den bo sanger. Ademas di a dediká bo durante hopi aña na bienestar di ’bo muchanan’, bo a lucha tambe via sòfbòl pa e kousa ei. Bo mes a funda ‘Liga Uni Tur’, pa duna hóbennan oportunidat pa praktiká deporte. Despues ku b’a funda e Liga i bo tabata presidente, b’a okupá mas funshon ehekutivo den sòfbòl, manera tesorero na ‘Sport Vereniging Pichingolo’ i sekretario di ‘Curaçaose Softbal Bond’. B’a sigui un kurso komo rèfri, di moda ku bo por a flùit wega di sòfbòl tambe. I ora bo no ta na niun di e puestonan akí bo ta riba vèlt ta coach, òf ta hasi mantenshon na kualke kos nesesario di e vèltnan. Bo amor pa mucha i pa deporte ta bai leu i tur hende a nota esei debidamente. Masha hende ta gradisidu pa bo aporte i te ainda nan ta piki fruta di esei. 

10 Sra. L.E. Sampson Mas di 22 aña bo ta lider di e grupo hubenil ‘The New Generation Group’ di Iglesia Ebenezer. Bo ta sostené hóbennan di edat di 12 te 20 aña den formashon di nan desaroyo personal i sosial. I bo ta hasi méskos tambe pa e muchanan di ménos rekurso den Oranjestraat i e bario Nieuw Nederland, ku ta forma e grupo hubenil ‘Watermelon Group’ denter di Iglesia Ebenezer, e iglesia pa kua bo ta okupá mas ku un funshon so, manera miembro di ‘Wijkkerkenraad’, miembro di ‘Centrale Kerkenraad’ di VPG, i sekretario di ‘Miss Lee Foundation’. E fundashon akí ta ofresé kurso pa promové desaroyo personal i sosial. Bo ta semper dispuesto pa yuda, sin ta ferwagt nada a kambio. 

 

Kabayero den Órden di Oranje Nassau

1 Sr. J. A. Boutmy Bo a pone e deporte di esgrima na Kòrsou riba mapa, komo deportista i komo rèfri. Bo tabata un guru deportivo pa ekselensia. Banda di praktikadó di e deporte akí bo a okupá vários funshon ehekutivo, manera na klup di futbòl ‘Bandelino’ i na ‘Panamerikaanse Olympiërs Associatie’. Bo ta ko-fundadó di ‘Olympiërs Associatie van de Nederlandse Antillen’ i di e museo di deporte. Te awe ainda nos ta piki fruta di e aportenan akí. Bo ta tambe e hende ku a tuma e inisiativa pa na Hato bini un monumento dediká na Deporte ku na bo opinion no por a falta. 

2 Sr. R.E. Colastica Bo ta di gran nifikashon pa desaroyo di religion katóliko na Kòrsou. For di 1978 bo ta presidente di e fundashon ‘Hóben e piedra bibu’. Ta un fundashon ku ta sostené hóbennan den nan desaroyo religioso i personal. Esei ta varia di organisá konferensia i kurso, te presentá programa di televishon. Ademas, via direktiva di ‘Stichting Rooms Katholiek Schoolbestuur’ bo ta dediká bo na enseñansa. No ta religion so tin bo interes. Nos no por laga di menshoná bo dedikashon na ansianonan via ‘Fundashon Nos Welita’ i tambe via ‘Raad voor Milieu Hygiëne’, na medio ambiente. Abo a pèrkurá pa e ansianonan a haña un kas nobo i ku a desaroyá un maneho riba tereno di medio ambiente. 

3 Sr. F.B.M. Kunneman Bo tabatin un ròl di importansia den desaroyo atministrativo na 10-10-10. Promé komo visepresidente di Raad van Advies, pero despues tambe komo consultant. 

Bo a sa di trese partidonan na tur dos banda di oséano huntu. Ta manera bo tabata logra esaki semper ku e fleksibilidat nesesario. Último añanan bo ta dediká bo na hasi komunidat mas konsiente di e reglanan di ‘corporate governance’ via skibimentu den korant, pero tambe ku kátedra na Universidat i dunando kurso gratuito. Komo abogado tambe bo a hasi esfuerso via e vários posishonnan ku bo a okupá, pa yuda mehorá aplikashon di lei den teoria i den práktika. Un rekòrt remarkabel.

4 Sr. A.A. Ramirez Bo tin mas di 25 aña presidente di ‘Rode Kruis Curaçao’! Bou di bo presidensia bo a pèrkurá pa Rode Kruis a haña un edifisio nobo. Bo a sòru ademas pa funda un sentro médiko na Barber, pero tambe ku transporte di ambulans a haña loke tabata nesesario pa un servisio adekuá. Bo a dediká bo ademas pa boluntarionan risibí preparashon adishonal i pa Rode Kruis na e diferente islanan a bai kooperá mas ku otro i ku otro organisashonnan relevante. I e dedikashon ei a duna fruta na ora di vários desaster di naturalesa ku Karibe a konosé. Na 2013 a koroná Rode Kruis ku e distinshon ‘Appeltje van Oranje’ pa e sekshon di boluntarionan hubenil. Anto tur e kosnan akí bo a hasi boluntariamente banda di bo propio konsultorio di okulista ku ta konta ku hopi kliente. Danki pa bo dedikashon. 

 

Mi ta felisitá boso tur ku boso Kondekorashon Real bon meresí.

Un tremendo aplouso pa nos dekoradonan! 

Promé ku efektivamente mi otorgá e dekorashonnan, mi ta pasa palabra pa mi achudant kende lo lesa e Dekreto Real. 

 

DISKURSO DI GOBERNADOR DI KÒRSOU SRA. L.A. GEORGE-WOUT NA RESEPSHON DI DIA DI REI    26 di APREL 2019

DISKURSO DI GOBERNADOR DI KÒRSOU SRA. L.A. GEORGE-WOUT NA RESEPSHON DI DIA DI REI 

26 di APREL 2019

Ekselensianan, damas i kabayeros bon nochi.

Un sinsero bon biní na boso tur riba e bunita anochi akí. Semper ta dushi nota ku na un kantidat asina grandi boso ta aseptá mi invitashon. Riba nochinan manera esaki mi ta gusta usa e oportunidat pa trata un sierto tema òf asuntu. Sin embargo e aña akí m’a haña esei fèrfelu. No tantu e kuestion di disidí kua tema, sino mas bien pasobra den nos komunidat e tópiko ta asina kargá. Aki algu mas ku un luna nos ta kòrda ku 50 aña pasá e susesonan di 30 di mei a tuma lugá. E dia históriko akí, ku hopi di nos a eksperensiá konsientemente, a laga un impreshon imborabel serka nos tur. Maske awe ya ta kasi mitar siglo a pasa, loke a sosodé dia 30 di mei ta sigui tin su efekto te dia djawe i e tabatin un impakto enorme riba nos poblashon. No ta pòrnada ku te dia djawe ainda ta papia i ta diskutí riba loke eksaktamente a pasa. Mi no ke papia awor akí tokante e susesonan di e dia ei mes, awa na suela nos no por rekohé..., ta klabu pasá. Loke sí ta intrigá mi ta e lèsnan ku nos lo por a siña di 30 di mei. Kiko nos a siña realmente di e dia ei? Nos a siña algu i for di e tempu ei nos a krese komo pueblo? Konsiderando e diferente puntonan di bista riba e problema, no ta fásil duna kontesta kla riba tal pregunta. E lès mas importante ku mi mes a siña ta ku violensia nunka no ta e solushon; ni di parti di e siudadania, ni tampoko di parti di esnan na kabes di pais. Violensia ta polarisá sosiedat i ta pèrkurá pa hende krese mas separá fo’i otro na lugá di yega mas serka otro. Por lo tanto, no mester resolvé e diferensianan di opinion riba barikada, sino na mesa. Ta manteniendo kombersashon i kondusiendo debate ku rèspèt pa e puntonan di bista i interesnan ku ta diferensiá, por trese e diferensianan di opinion mas serka otro. Ta loke mester hasi den tempu di prosperidat, pero masha sigur tambe den tempu ku bientu ta kontrali. 

I asina mi ta yega na e retonan ku nos ta enfrentá aktualmente. Mi ta papia di ‘nos’ konsientemente, pasobra mi no ta referí na gobièrnu so, na empresa- i institushonnan so, sino tambe na nos tur. Nos tin algun tempu kaba ta eksperimentá ku nos situashon finansiero-ekonómiko i sosial ta bayendo atras i final ainda no ta na bista. Nos tin algun tempu kaba ku oumento di desempleo, medidanan di ousteridat menasante, inseguridat tokante refineria; pais i pueblo ku ta sufriendo bou di sirkunstansianan pa kua parsialmente so nan mes ta responsabel. Turismo ta e sektor ku nos mester tesorá awor ku ta parse ku e ta evadiendo e krísis ekonómiko. No por laga disturbionan den nos pais afekt’é. Den e tempunan difísil akí nos mester ta konsiente ku populismo i sintimentunan di intoleransia por surgi. Nos no por laga esaki tuma lugá i nos no mag di laga esaki tuma lugá. Ta na nos tur pa resistí esaki manteniendo nos uní i mustrando rèspèt pa vishon diferente.  Pero nos mester keda mira nos mes tambe krítikamente i puntra nos mes si nos ta hasiendo loke ta korekto. Ta asina ku siudadanonan ta haña oportunidat igual? Ta repartí e benefisionan sosial honestamente? E siudadano ta sinti ku ta trat’é di forma hustu? Mi ta kere firmemente ku si nos sigui hasi esaki, nos lo no soportá huntu e tormenta akí so, sino ku huntu nos lo sali mas fuerte for di e trafat. 

Señora i señores,

Un bunita tradishon di dia di Rei ta ku no ta dia di aña di nos Rei Willem-Alexander so nos ta selebrá, sino ku nos ta usa e momento tambe pa reflekshoná eksplísitamente riba un grupo di persona spesial kendenan a traha pa nos sosiedat di manera desinteresá i durante hopi aña. E áreanan na kua nan a dediká nan ta diverso, pero semper esensial. Ya sea nan ta apoyá esnan ménos afortuná, kontribuí na preservashon di nos kultura òf nan ta dediká nan na deporte, nan tur ta meresé nos gran rekonosementu. Awe nan ta risibí rekonosementu públiko eksplísito, pero naturalmente nan meresé esaki henter aña i semper! 

Awe mainta tabata mi plaser anunsiá 14 kurasoleño fantástiko ku a honra nan ku un premio otorgá pa su Mahestat. Kasi tur e tòpernan akí ta presente awe nochi i mi ke bolbe felisitá nan sinseramente ku nan distinshon i gradisí nan pa nan esfuerso sin frena durante e último añanan! 

Mi ke bati glas huntu ku boso awor i brinda pa salú di Su Mahestat Rei i pa e méritonan di nos dekoradonan. 

Biba Rei!!!!