E tareanan di  di Gobernador ta dedusí for di e tareanan preskribí pa lèi i di e kompetensia- i responsabilidatnan di Gobernador. Gabinete ta forma e sosten atministrativo di Gobernador pa loke ta trata ehekushon di su tareanan konstitushonal i atministrativo general. Kabinete ta señalá i analisá desaroyonan polítiko, atministrativo i sosial i ta duna Gobernador konseho enkuanto esakinan. Gabinete no ta un órgano di maneho, sino unu ku eksklusivamente ta duna Gobernador konseho.

Tambe Gabinete ta manda tur dokumentonan di Gobièrnu manera Lèi i Dekretonan di Lèi di gabinete, na Gobernador. Palabrashonnan entre Gobernador i Ministernan ta bai via di Gabinete. Preparashon di esakinan tambe ta kana via di Gabinete. Durante formashon di un kabinete, Gabinete di Gobernador ta sòru pa anunsiá e tareanan di informashon i formashon duná pa Gobernador.

Gobernador ta supervisá ehekushon di tratadonan. E tin tambe e enkargo di ehekushon di e Lèi di Pasaporte i ehekushon di e Lèi di Reino enkuanto  ‘Nederlanderschap’. Den kuadro di esaki e departamentu konsular di Gabinete  ta sòru pa finalisashon di e petishonnan pa pasaporte, visa i nashonalidat hulandes (opshon i naturalisashon)

Banda di tur loke por lesa mas ariba, Gabinete di Gobernador ta prepará tambe tur resepshon, bishita i ta sirbi komo trait d’union den direkshon di outoridatnan, mandatarionan, institushonnan sosial i organisashonnan. Por último, Gabinete ta responsabel pa finalisá petishonnan di siudadanonan, responsabel pa petishonnan enkuanto pèrmit pa pasa riba teritorio áreo di pais Kòrsou  i tambe pa petishonnan enkuanto bishitanan di haf di barkunan estranhero.