Durante biahenan na i den eksterior bo mester ta den posishon di un paaport bálido. Si bo no tin esaki, òf si bo a pèrd’é, bo por pidi, si ta trata di un kaso sumamente eksepshonal i bou di kondishonnan estrikto, un pasaporte di emergensia.

Kondishonnan mará na pasaportenan di emergensia
Ta duna solamente un pasaporte di emergensia si bo ta kumpli ku  e siguiente kondishonnan:

  • Bo tin nashonalidat hulandes;
  • Bo no ta den un situashon pa haña un pasport nashonal ( e pasport normal) na tempu, via e ruta (Kranshi) konvenshonal;
  • Bo por proba ku bo no por posponé bo biahe;
  • Por determiná bo identidat, nashonalidat i/òf lugá di biba. Pa hasi esaki bo mes mester sòru pa entregá e dokumentonan di prueba.

20151217 091000Dokumentonan di prueba nesesario pa pasaporte di emergensia
Tene en todo kaso kuenta ku por pidi pa e siguiente dokumentonan:

  • Bo pasport bieu ku a kaduká;
  • Un pasfoto resién saká (no mas bieu ku 3 luna);
  • Un prueba di identidat bálido (si bo tin por ehèmpel un reibeweis òf sédula);
  • Un sertifikado di nasementu resién i original no mas bieu ku 6 luna (pa muchanan menor i mayor di edat ku nunka antes no a yega di haña un pasport);
  • Un dokumento di identidat di mayor(nan) si ta trata di muchanan menor di edat;
  • Si esaki ta aplikabel: papelnan di tutela original (si ta trata di muchanan menor di edat);
  • Si esaki ta aplikabel: outorisashon ofisial di tur dos mayor den kaso ku tur dos tin e poder di mayor. Si akaso e (nan) ta den eksterior, mester mustra tambe un kopia di e pasport di (e) mayor(nan) ku ta den eksterior);
  • Si bo ta biba na Kòrsou: proba ku bo a bai Kranshi/Bentana di Informashon pa traha un sita pa pidi un pasport nashonal nobo;
  • Un komprobante ku ta bisa ku bo no por posponé bo biahe;

Si bo a pèrdè bo delaster pasport nashonal, bo mester duna un deklarashon tokante di esaki na Gabinete di Gobernador promé ku por dunabo un pasport di emergensia. Pa esaki bo ta yena e asina yamá ‘Eigen Verklaring Formulier’. Pa medio di e formulario aki bo ta indiká ki dia bo a uza bo pasport pa delaster biaha, na unda etc. Gabinete di Gobernador lo hasi informashon na e instansia ku a dunabo e pasport. No por duna un pasport di emergensia promé ku haña informashon di e instansia. P’esei, tene kuenta ku e echo aki pa durante e prosedura bo no hasi gastunan innesesario (manera bukmentu di pasashinan pa biahenan ku avion).

Un pasaporte di emergencia ta kosta ANG 101,- (tarifa di 2021) na Kabinete di Gobernador.

Tene kuenta ku en prinsipio, e persona pa kende e pasaporte di emergensia ta destiná mes mester ta presente tantu na momento di hasi e petishon komo na momento di tuma e pasaporte di emergensia. Si presentá un kaso di urgensia riba tereno di médiko por hasi un eksepshon.

Atenshon: En prinsipio no ta posibel pa drenta Estádos Unídos  ku un pasaporte di emergensia. Pa mas informashon por tuma kontakto ku Konsulado General di Estádos Unídos  na Kòrsou na telefon +5999 4613066.