Kon bo por haña nashonalidat hulandes?

Si bo no tin nashonalidat hulandes pa lèi, bo por optené esaki pa medio di opshon òf naturalisashon. Pa e prosedura aki ta konta diferente eksigensia ku bo mester kumpli kuné. Tur dos eksigensia ta tuma un kantidat di tempu, tambe si bo ta kumpli ku nan.

E kondishonnan pa opshon (prosedura) i naturalisashon (prosedura) ta kompliká. Intenshon di e informashon riba web-site ta sirbi komo rekurso i no por ta kompletu pa loke ta trata e partinan. Tuma kontakto na tempu ku Gabinete di Gobernador pa bo haña informashon tokante e kondishon- i proseduranan ku mester sigui. Riba dianan di trabou por drenta den kontakto ku Gabinete di Gobernador di 09:00 pa 12:00 or i di 14:00 pa 16:00 or via number di telefòn +5999 4618555.

Optené nashonalidat hulandes pa medio di OpshonPa bini na remarke pa opshon e estranhero mester ta pertenesé na un kategoria di lèi speshal (Rijkswet op het Nederlanderschap)

Prosedura pa opshon:

  • Estranheronan ku tin atmishon i ta mayor di edat, nasé den Reino Hulandes i ku semper a biba den Reino Hulandes. Pa e kategoria aki e solisitante nasé na Kòrsou mester bini ku pruebanan di motivashon for di su nasementu te na e edat ku e tin na momentu di su solisitut. E pruebanan por ta rapòrtnan di skol bàsiko, pruebanan di boutismo, di konfirmashon, etc.:
  • Estranheronan ku no ta registrá, ku a nase den Reino Hulandes i ku promé ku nan petishon a biba porloménos 3 aña sin interupshon, legalmente den Reino Hulandes;
  • Estranheronan ku a permanesé minimalmente 15 aña sin interupshon den Reino Hulandes i ku ta kasá porloménos 3 aña ku e mesun persona di nashonalidat hulandes;
  • Estranheronan ku tin 65 aña òf mas i ku ta biba legalmente porloménos 15 aña sin interupshon den Reino Hulandes;
  • Hulandesnan mayor di edat ku anteriormente tabatin e nashonalidat hulandes i ku tin porloménos un aña di atmishon i ku nan permanesia principal ta den Reino Hulandes. Pa esaki, konsultá tambe e foyeto di Immigratie- en Naturalisatiedienst (IND);
  • Estranheronan menor di edat ku un hulandes a rekonosé òf legitimá despues di 1 di aprel 2003 pero promé ku 1 di mart 2009. E rekonosementu di e hoben konserní mester a tuma lugá promé ku el a hasi shete aña.

Tin otro kategoria tambe pa por haña opshon. Pa esaki konsultá (Rijkswet op het Nederlanderschap) òf konsultá e foyeto “Hoe kunt u Nederlander worden

E gastunan pa opshon ta ANG 390,- pa un persona; pa un petishon kolektivo ANG 666,- i pa yunan ku ta deseá pa tambe opta pa esaki ANG 44,- pa kada yu.

Den e skema adhunto por nota kua ta e pasonan ku mester tuma pa bira hulandes pa medio di opshon.
Download “Optie wie doet wat?

Bira hulandes pa medio di naturalisashon

  • Ta mayor di edat;
  • Ta sufisientemente siudadanisá. Ta test esaki pa medio di e prueba di naturalisashon pa medio di e idiomanan hulandes i Papiamentu. Estranheronan ku ta den posishon di sierto sertifikado òf diploma posiblemente por haña eksonerashon pa e prueba di naturalisashon. Tuma kontakto na tempu ku Gabinete di Gobernador si bo ta pensa ku esaki ta aplikabel pa bo;
  • Ta biba 5 aña sin interupshon den Reino Hulandes, promé ku e estranhero hasi su petishon. A base di pèrmitnan di estadia presentá, ta verifiká esaki;
    Den sierto kasonan ta pidi un término mas kòrtiku pa estadia sin interupshon i permanensia legal, ku ta:
    1. Tres aña si durante e periodo ei un estranhero ta kasá i bibá sin interupshon ku e mesun hulandes;
    2. Si durante tres aña sin interupshon e ta biba manera kasá den Reino Hulandes ku e mesun partner soltero i di nashonalidat hulandes;
    3. Dos aña si un estranhero tin porloménos dies aña di atmishon i estadia principal den Reino Hulandes (di esakinan dos aña sin interupshon den e estadia).

Pa loke ta trata e eksepshonnan un estranhero mester ta sufisientemente siudadanisá, manera ta menshoná na punto dos.

Naturalisashon di menornan di edat huntu ku nan mayornan

  • Menornan di edat por naturalisá te ku nan 17 aña huntu ku nan mayornan. Aki tambe tin algun kondishon ku ta vigente, ku ta bisa ku na momentu di hasi e petishon, menornan mester ta bibá huntu ku nan mayornan i ku nan mester ta den poseshon di un pèrmit di estadia bálido.

Por tin eksigensianan komplementario ku ta vigente. Pa esaki mira (Rijkswet op het Nederlanderschap) òf konsultá e foyeto “Hoe kunt u Nederlander worden

E gastunan pa naturalisashon ta: pa un persona ANG 1839,-; pa un pareha ANG 2348,- i pa kada yu ku tambe ke naturalisá ANG 272,-.

Pa medio di e skema athunto por nota kua ta e pasonan ku mester tuma pa yega na
‘Nederlanderschap’ via naturalisashon.
Download “Naturalisatie wie doet wat?